Լոռու մարզկենտրոն Վանաձորում րոպեներ առաջ զգացել են ուժգին երկրաշարժի ցնցումները։ NEWS.am-ի թղթակիցը հաղորդում է, որ ցնցումները զգացվել են նաեւ Սպիտակում, Դիլիջանում, Հրազդանում եւ բազմաթիվ այլ համայնքներում:
Սոցիալական ցանցերում երրաշարժի մասին ահազանգեր կան նաեւ Նոյեմբերյան քաղաքից:
ՀՀ ԱԻՆ փոխանցմամբ, սույն թվականի հունիսի 7-ին, տեղական ժամանակով ժամը 22:25-ին (Գրինվիչի ժամանակով` 18:25-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 41.37 աստիճան եւ արեւելյան երկայնության 45.76 աստիճան աշխարհագրական կոորդինատներով (Ադրբեջան-Վրաստան սահմանային գոտի, Աղստաֆա քաղաքից 28 կմ հյուսիս-արեւելք), օջախի 12 կմ խորությամբ, 4.8 մագնիտուդով երկրաշարժ:
Ստորգետնյա ցնցման ուժգնությունը էպիկենտրոնում կազմել է 6-7 բալ:
Երկրաշարժը զգացվել է ՀՀ տարածքում՝ Նոյեմբերյան, Իջևան, Բերդ, Ալավերդի Դիլիջան քաղաքներում 4-5 բալ, Ստեփանավան, Տաշիր, Սևան և Ճամբարակ քաղաքներում 4 բալ, Վանաձոր, Սպիտակ, Գավառ և Վարդենիս քաղաքներում 3-4 բալ, Երևան, Գյումրի, Հրազդան, Աբովյան, Չարենցավան և Ապարան քաղաքներում 3 բալ, Վաղարշապատ, Արտաշատ, Եղեգնաձոր և Ջերմուկ քաղաքներում 2-3 բալ ուժգնությամբ:
Եվրոպական սեյմսմոլոգիական կենտրոնի տվյալներով, 5,1 մագնիտուդ ուժգնությամբ երկրաշարժը գրանցվել է Վրաստանի տարածքում՝ Թբիլիսիից 106 կմ դեպի հարավ-արեւելք, գրեթե Ադրբեջանի սահմանի մոտ։ Ստորգենտյա ցնցումների հիպոկենտրոնը, ըստ եվրոպական կենտրոնի, եղել է 43 կմ խորության տակ։
loading...
Комментариев нет:
Отправить комментарий